ئەو هۆکارە دەرەکیانەی کە کاریگەری لەسەر گەشەی باڵای مناڵ دەکات

تەندروستی

01/07/2022     ژمارەی بینراو 189

راچڵەکین-

‎د۰ تارا علی بابان، پسپۆڕی گەشەو خۆراکی منداڵان باس لەو هۆکارە دەرەکیانە دەکات کە کاریگەرییان لەسەر گەشەی باڵای منداڵ دەبێت و دەڵێت: هەر لە سەرەتای لە دایکبونەوە تا دوای تەمەنی هەرزەکاری گەشەی باڵا بە بڕێکی دیاری کراو زیاد ئەکات ساڵانە". 

جگە لە بۆماوەیی و نەخۆشی درێژخایەن 

چەند هۆکارێکی تری دەرەکی هەن کە کاریگەریان ئەبێت لەسەر زیاد بوونی باڵا وە گرنگترینیان ئەمانەن:

۱. خواردن ، خۆراکی تەندروست لەسەرەتای تەمەنی منداڵدا کاریگەری ڕاستەوخۆی دەبێت لەسەر گەشەی باڵا،  
کەمی پڕۆتین و ڤیتامین و کانزاکان هۆکاری سەرەکین بۆ بەدخۆراکی درێژخایەن و ئەمەش هۆکارێکە بۆ کورتە باڵایی.
گرنگە ئەم خواردنانە ڕۆژانە بدرێت بە منداڵ:
٭ پاقلەمەنیەکان(نیسک، نۆک، فاسۆڵیا، پاقلە، سۆیا.............)
٭ شیر و بەرهەمەکانی
٭ هێلکە
٭ گۆشتی سور، مریشک و ماسی
٭ چەرەسات، گوێز و بادەم 
٭ سەوزە گەڵا سەوزەکان(سڵق، سپێناخ، پەڵپینە.......)
٭٭ وەئەم خواردن و خواردنەوانە بە هیچ شێوەیەک نابێت بدرێت بەمناڵ، چونکە هۆکاری سەرەکی بەدخۆراکین:
٭ ساردەمەنیە غازیەکان( بیبسی، کۆلا، فانتا، سێڤن، دیوو، تایگەر.........) 
٭ هەموو جۆرەکانی چپس
٭ ئێندۆمی

۲. خەوتن. خەوی تەندروست زۆر گرنگە بۆ گەشە، واتە دەبێت مناڵ لە کاتژمێر ۹ بۆ ۱۰ شەو لە جێگادا بێت.  هۆرمۆنی گەشە و غودەی دەرەقی لەکاتی خەودا دەردەدرێت کە هەردوکیان کاریگەریان هەیە لە گەشەی ئێسقاندا. 
۳. وەرزش بۆ نمونە ( خۆهەڵواسین، پەتپەتێن، مەلەکردن..........) کاریگەریان دەبێت لەسەر هۆرمۆنی گەشە و زیاردبوونی باڵا.

داگرتنی ئەپی راچڵەکین بۆ ئەندۆرید

داگرتنی ئەپی راچڵەکین بۆ ئایفۆن