راچڵەكین –

وەزارەتی بەرگری رووسیا بڵاویكردەوە، لەئەنجامی هێرشێكی مووشەكی سوپای ئۆكراینا بۆسەر گرتوخانەیەكی كۆماری دۆنێتسك، كە سەربازە دیلەكانی ئۆكراینای تێدا بووە، دەیان سەرباز كوژران.

وەزارەتەكە لە راگەیەندراوێكدا ئاشكرایكردووە، شەوی رابردوو، سوپای ئۆكراینا بە مووشەكی هیمارس، گرتوخانەیەكی لەشارۆچكەی یلینۆڤا لە كۆماری دۆنێتسك بۆردومانكرد، كە سەربازە دیلەكانی ئۆكرانیای تێدابووە، لەئەنجامیشدا لاینی كەم 40 سەربازی دیلی ئۆكراینی كوژران و 75 سەربازی دیكەش بریندار بوون.

لە بەرامبەردا وەزارەتی بەرگری ئۆكراینا رەتیكردەوە ئەوان گرتوخانەكەیان بۆردومان كردبێت، وەزارەتەكە لە راگەیەندراوێكدا ئاماژەی بەوەكردووە كە تۆپخانەكانی سوپای رووسیا گرتوخانەكەیان بۆردومانكردووە.