راچڵەکین-
کەشناسی هەڵەبجە بڵاویکردەوە، بوومەلەرزەکەی ئەمڕۆ هەینی لە نێوان هەڵەبجە لە هەرێمی کوردستان و شاری مەریوانی رۆژهەڵاتی کوردستان روویداوە و گوڕەکەی 4.2 پلەی رێختەر بووە.
فەرمانگەی کەشناسی هەڵەبجە لە راگەیەندراوێکدا بڵاویکردووەتەوە ، بوومەلەرزەکە بە قوڵایی 10 کیلۆمەتر لە ژێر خاکدا بووە و 28 کیلۆمەتر لە سەنتەری ناحیەی سیروان و 35 کیلۆمەتر لە سەنتەری شاری هەڵەبجە و 53 کیلۆمەتر لە سەنتەری شاری سلێمانی و 19کیلۆمەتر لە سەنتەری شاری سەیدسادق دووربووە.
بەشێک لە هاووڵاتییانی شارەکە هەستیان بە بومەلەرزەکە کردووە، بەڵام زیانی گیانی لێنەکەوتووەتەوە.