راچڵەكین-
سەرۆككۆماری توركیا رایدەگەیەنێت، ناتوانن بێدەنگبن بەرامبەر بەرامبەر پەكەكە كە هێرشی " تیرۆرستی" دەكەنە سەر هێزە ئەمنییەكانی ئەو وڵاتە.
رەجەب تەیب ئەردۆغان، ئەمڕۆ سێشەممە لەووتارێكدا كە لە ٧٧ھەمین كۆبوونەوەی كۆمەڵەی گشتیی نەتەوەیەكگرتووەكان لە نیویۆرك، پێشكەشیكرد رایگەیاند"ناتوانین بێدەنگ بین لە بەرامبەر پەكەكە و هاوشێوەكانی كە هێرشی تیرۆریستیی دەكەنە سەر هێزە ئەمنییەكانمان و هەڕەشەن بۆ سەر یەكپارچەیی خاكی سووریا".
وتیشی "ئەوانەی هەوڵدەدەن رەوایەتی بە پەكەكە بدەن لەرێگەی فێڵی پووچی وەك ناوگۆڕینەوە، داوایان لێدەكەین هەرچی زووە دەستبەرداری پڕچەككردنی تیرۆریستان بن".
ئەردۆغان ئاماژەی بەوەشكرد: "دووبارە بە توندی ئەوە دەخەینەڕوو كە توانای گرتنبەری ھەموو رێككارێكین لە دژی تیرۆریزم و سڵ ناكەینەوە لە ئەنجامدانی كاری پێویست لە بەرامبەر رێكخراوە تیرۆریستییەكان".