راچڵەكین-
فراكسیۆنی گۆڕان لەپەرلەمانی كوردستان، داوا دەكات حكومەتی هەرێم و حكومەتی فیدراڵی و نەتەوە یەكگرتوەكان لە ئاست بۆردومانكردنی خاكی هەرێمی كوردستان ھەڵوێستیان ھەبێت.
فراكسیۆنی گۆڕان لەراگەیەندراوێكدا ئاماژەی بەوەكردووە:"بە توندی ئیدانە و سەركۆنەی ئەو بۆردومانانە دەكەین كە كۆماری ئیسلامی ئێران بۆ سەر ئۆردوگاكانی هاوڵاتیانی رۆژهەڵات ئەنجامی دەدەن، كە لە دەرئەنجامیدا بووەتە ھۆی شەهید و برینداربوونی ژمارەیەك لە كوردانی رۆژھەڵاتی كوردستان."
فراكسیۆنی گۆڕان دەڵێت:" داواكارین حكومەتی هەرێم و حكومەتی ئیتحادی و نەتەوە یەكگرتوەكان لە ئاست ئەو بۆردومان و پێشێلكارییانە ھەڵوێستیان ھەبێت و ڕێگابگرن لە ئەگەرەكانی دوبارەبوونەوەی ئەو ھێرشانە."