راچڵەكین-
وەزیری كاروكاروباری كۆمەڵایەتی عیراق ئاشكرای دەكات، پرۆژەیاسای خانەنشینی و بیمەی كۆمەڵایەتی بۆ كار، بەو دەقەی ئێستای داڕێژراوە زیاتر لە 400 هەزار هەلی كار بۆ گەنجان و كەسانی بێكار دەڕەخسێنێت.
ئەحمەد ئەسەدی، لەڕاگەیەندراوێكدا ئاماژەی بەوەكردوە، پرۆژەیاسای خانەنشینی و بیمەی كۆمەڵایەتی بۆ كار، لەلایەن لیژنەی كاروكاروباری كۆمەڵایەتی ئەنجومەنی نوێنەران بەشێوەیەكی زۆر ورد داڕێژراوە.
ووتیشی ، ئەگەر ئەو پرۆژەیاسایە لە ئەنجومەنی نوێنەرانی عیراق كێشەی بۆ دروست نەبێت و وەك خۆی پەسەند بكرێت، زیاتر لە ٤٠٠ ھەزار ھەلی كار بۆ گەنجان و بێكاران دەڕەخسێنێت.
وەزیری كاروكاروباری كۆمەڵایەتی عیراق، ئاماژەی بەوەشكرد، پرۆژە كە بەھاوكاری كەسانی پسپۆڕ و شارەزایان داڕێژراوە و كاریگەری زۆری دەبێت لەسەر كەمكردنەوەی ھەژاریی و خزمەتكردنی كەسانی كەمدەرامەت .