راچڵەكین –
لەناو شەمەندەفەرێك لە ئەڵمانیا، هاووڵاتییەكی بیانی بەچەقۆ هێرشیكردە سەر سەرنشینانی شەمەندەفەرەكە و بەپێی ئامارە سەرەتاییەكانیش، لە رووداوەكەدا دوو كەس كوژران و چەندین كەسی دیكەش بریندار بوون.
میدیاكانی ئەڵمانیا بڵاویانكردەوە، رووداوەكە ئەمڕۆ چوارشەممە، لە باكووری وڵاتەكە روویداوە، هاووڵاتییەكی بیانی لەناو شەمەندەفەرێك كە لەشاری كیل-ەوە بەرەو هامبۆرگ دەچوو، بەچەقۆ پەلاماری سەرنشینەكانی داوەو لەئەنجامدا دوو كەس كوژراون و پێنج كەسی دیكەش بریندار بوون.
لەدوای رووداوەكە، پۆلیسی ئەڵمانیا تۆمەبارەكەیان دەستگیركردووەو لێكۆڵینەوەشیان دەستپێكردووە، تائێستاش هۆكاری تاوانەكە ئاشكرا نەكراوە.