راچڵەكین-
راهێنەری یانەی جیمناسیای ئەرژەنتینی، دیێگۆ ئارماندۆ مارادۆنا، داوای لە یانەكەی كرد، كە بەهۆی پەتای ڤایرۆسی كۆرۆنا (COVID-19)ەوە داهاتەكەی كەمیكردووە، مووچەكەی ببڕن.
لە لێدوانێكدا بۆ میدیای ئەرژەنتین، سەرۆكی یانەكە، گابریێل پێلێگرینۆ، رایگەیاند: "بیروڕامان ئاڵوگۆڕ دەكرد لەگەڵ مارادۆنا كاتێك داوایكرد مووچەكەی ببڕین".
پێلێگرینۆ جەختی لەوەكرد، گرێبەستەكەیان لەگەڵ مارادۆنادا لە مانگی ئابدا كۆتاییدێت بەڵام ئەوان بایەخ بەوە نادەن و لەگەڵ ئەو یاریزانە ئەفسانەییەی پێشووی تۆپی پێ بەردەوام دەبن.
بەهۆی بڵاوبوونەوەی پەتای كۆرۆنا، خولەكانی تۆپی پێی ئەرژەنتین رۆژی ١٧ی ئادار راگیراوون.