راچڵەكین
 
وەزارەتی تەندروستی حكومەتی هەرێمی كوردستان، داوا لە پەیامنێرو كارمەندە مەیدانییەكانی كەناڵەكانی راگەیاندن دەكات، بەمەبەستی ئەنجامدانی پشكنینی تاقیگەیی، سەردانی سەنتەرەكانی كۆرۆنا بكەن.

وەزارەتەكە لە راگەیاندراوێكدا، كە ئەمڕۆ 9-4-2020 بڵاویكردووەتەوە، رایگەیاندووە" بەمەبەستی دۆزینەینەوەی حالەتەكانی نەخۆشی ڤایرۆسی كۆڕۆنای نوێ COVID-19 لە هەرێمی كوردستان و بۆ دڵنیایی تەندروستی ڕاگەیاندكارانی مەیدانی، داوا لە پەیامنێران و وێنەگرانی مەیدانی دەزگاكانی راگەیاندن دەكەین، پشكنینی تاقیگەیی بۆ ڤایرۆسی كۆڕۆنای نوێ COVID-19 ئەنجام بدەن لە سەنتەرەكانی كۆڕۆنا لە هەرێمی كوردستان، یان پەیوەندی بكەن بە هێڵی گەرمی ژمارە 122 بەمەبەستی دڵنیابوون.

وەزارەتی تەندروستی سەنتەرەكانی كۆرۆنای لە شارەكانی هەرێم دیاریكردووە، كە ئەمانەی خوارەوەن :

1. هەولێر: سەنتەری كۆڕۆنا (نەخۆشخانەی فریاكەوتنی ناوەند)

2. سلێمانی: سەنتەری ڕاوێژكاری كۆڕۆنا (علی ناجی)

3. دهۆ‌ك: سەنتەری ڕاوێژكاری هەناسە

4. هەلەبجە: نەخۆشخانەی بەركەوتوانی كیمیاوی

5. ڕاپەڕین: سەنتەری كۆنتڕۆلكردن و چارەسەركردنی نەخۆشیە گوازراوەكان

6. گەرمیان: نەخۆشخانەی گشتی كەلار.