ڕاچڵەکین سپۆرت -

 

یانەی بەرشەلۆنە لە ڕاگەیەندراوێکی فەرمیدا ڕایگەیاند، فێرمین لۆپێز پێکانی هەیە و بۆ داهاتوویەکی نزیک لە یاریگاکان دووردەکەوێتەوە، ئەوەش دوای ئەوەی بەشداری مەشقە بە کۆمەڵەکانی تیپەکەی نەکرد.

فێرمین لۆپێز تەنها بەشداری لە مەشق و ڕاهێنانی تایبەت و تاکەکەسیدا کردووە دوور لە هاوڕێکانی، دوای ئەوەی یارییەکەی ئەم دواییەی چامپیۆنزلیگی بەرامبەر چێڵسی تەواو کردبوو لەکاتێکدا هەستی بە ئازار کردبوو.

لۆپێز دوای کاتژمێر 11:00ی بەیانی ڕۆژی پێنجشەممە گەیشتە گۆڕەپانی مەشق و ڕاهێنانەکانی بارسێلۆنا، ئەمەش وایکرد بارسێلۆنا ڕاگەیەندراوێک بڵاوبکاتەوە و تیایدا ئاماژەی بەوەکردووە، یاریزانەکە تووشی پێکانێکی کەم بووە لە قاچی ڕاستیدا و پێویستی بە ماوەی دوو هەفتە هەیە بۆ ئەوەی چاکببێتەوە.

فێرمین لۆپێز یارییەکەی بەرامبەر چێڵسی تەواو نەکرد، لە خولەکی 61دا گۆڕانکاری پێکرا، کە بارسا لە چامپیۆنزلیگدا بە سێ گۆڵی بێوەڵام دۆڕا، لە یارییەکەی شەممەدا بەرامبەر دیپۆرتیڤۆ ئالاڤێس و دواتریش بەرامبەر ئەتلەتیکۆ مەدرید بەشداری ناکات.

دانی ئۆلمۆ سوود لە ئامادەنەبوونی لۆپێز وەردەگرێت، بەمەش چانسی دەستپێکردنی وەک یاریزانێکی سەرەکی بەرامبەر ئالاڤێس لە یاریگای کامپ نو زیاد دەکات.