راچڵەكین -
وەزارەتی كارەبای حكومەتی هەرێم رایدەگەیەنێت، هەوڵەكانیان لەگەڵ وەزارەتی سامانە سروشتییەكان و هێزە ئەمنییەكان و دانا غاز، چڕكردۆتەوە بۆ ئەوەی ئاستی بەرهەمهێنان ئاسایی ببێتەوە و بەزووترین كاتیش كارەبا بگەڕێتەوە نێو سەرجەم ماڵەكان.
وەزارەتەكە لە راگەیەندراوێكدا كە ئەمشەو بڵاویكردەوە، سوپاسی یەكە بە یەكەی هاووڵاتییانی هەرێمی كوردستانی كردووە لە بەرامبەر "ئارامی و خۆڕاگرییان" لەم كاتە سەختەدا، ئاماژەی بەوەشكردووە، ئەمە هێرشێكی تیرۆریستی بوو دژی هاووڵاتییانی هەرێمی كوردستان ئەنجامدرا.
وەزارەتی كارەبا هەموو لایەكی دڵنیاكردووەتەوە كە وەك وەزارەتی كارەبا، شانبەشانی هەریەك لە وەزارەتی سامانە سروشتییەكان و هێزە ئەمنییەكان و دانا غاز، هەوڵەكانیان چڕكردۆتەوە بۆ ئەوەی ئاستی بەرهەمهێنان ئاسایی ببێتەوە و بەزووترین كاتیش كارەبا بگەڕێتەوە نێو سەرجەم ماڵ و فرۆشتگا و كارگەكان، چونكە گەورەترین ئامانجمان سەلامەتی و ئاسوودەیی هاووڵاتیانی خۆمانە. لە حاڵەتی هەبوونی هەر پێشهاتێكی نوێش، بەزووترین كات ئاگادارتان دەكەینەوە.