راچڵەكین -

بەهۆی كەمبوونەوەی كارەبای نیشتمانی لەئەنجامی هێرشكردنەسەر كێڵگەی غازی كۆرمۆر، خاوەن موەلیدە ئەهلییەكانی هەڵەبجە لەسەر داوای قایمقامی شارەكە، بڕیاریاندا كارەبا بە هاووڵاتیان بدەن.

سمكۆ سالار موشیر، قائیمقامی قەزای ناوەندی هەڵەبجە، لە پەیامێكدا سوپاسی خاوەن موەلیدە ئەهلییەكانی شارەكە دەكات كە بڕیاریاندا كار بە موەلیدەكانیان بكەن و بۆ پێدانی كارەبا بە هاووڵاتیان.

لە پەیامەكەی قایمقامی هەڵەبجەدا هاتووە، لەپای بەدەمەوەهاتنیان بۆ كارپێكردنی مۆلیدە ئەهلییەكان، وەك قائیمقامیەتی قەزای ناوەندی هەڵەبجە، بەپێویستمان زانی سوپاس و پێزانینی خۆمان ئاڕاستەی هەریەك لە لەدادگای هەڵەبجە، پۆلیس و ئاسایش، كارەبای هەڵەبجە، لیژنەی موەلیدە ئەهلییەكانی هەڵەبجەو سەرجەم خاوەن مۆلیدەكان بكەین بۆ بەدەمەوەهاتنی داواكاری و بڕیارەكانی قائیمقامیەت.

قایمقامی هەڵەبجە ئاماژەی بەوەكردووە، لەئێستادا لەپارێزگای هەڵەبجە تەنها دوو موەلیدە كارناكەن، ئەوانیش بەبۆنەی كێشەی تەكنیكییەوەیە.