راچڵەکین-

بەڕێوەبەرایەتی گشتی کەشناسی و بومەلەرزەزانی پێشبینییەکانی بۆ کەشوهەوای ئەمڕۆ و سبەی شارەکانی هەرێم بڵاوکردەوە.

بەڕێوەبەرایەتی گشتی کەشناسی و بومەلەرزەزانیی هەرێم بڵاویکردەوە: ئەمڕۆ شەممە، ئاسمان نیمچە هەور بۆ هەوری تەواو دەبێت، پلەکانی گەرماش بە رێژەی یەک تا دوو پلە نزم دەبنەوە.

ئاماژەی بەوەشکرد: سبەی یەکشەممە، ئاسمان نیمچە هەور دەبێت پاشان دەگۆڕێت بۆ هەوری تەواو لەگەڵ ئەگەری بارینی بارانی بچڕ بچڕ لە کاتەکانی ئێوارەدا، بە تایبەتی لە ناوچە شاخاوییەکان و هەندێک ناوچەی جیا لە سەنتەری شارەکانی هەولێر، سلێمانی و دهۆک.