راچڵەكین-

لەئاكامی كەوتنەوەی ئاگر لەیانەیەكی شەوانەی هندستان دەیان كەس بوونە قوربانی.

ڕووداوەكە بەرەبەیانی ئەمڕۆ یەكشەممە 7ی كانوونی یەكەمی 2025 لەیانەیەكی شەوانەی شارۆچكەی ئارابورای هەرێمی گوا بووەو بەهۆیەوە تائێستا گیانلەدەستدانی 23 كەس پشتڕات كراوەتەوە.

بەڕێوەبەری پۆلیسی گوا ئاماژەی بەوەكردووە، گوماندەكرێت ئاگرەكە بەهۆی تەقینەوەی بوتڵی غاز بووبێت لە چێشتخانەی یانەكە.

بەگوێرەی زانیارییەكان، لەنێو ئەو كەسانەی گیانیان لەدەستداوە چواریان گەشتیارن و 14یان كارمەندی یانەكە بوون، هاوكات شەش كەسی تر برینداربوون.