راچڵەکین-

 بەڕێوەبەرایەتی گشتی کەشناسی و بومەلەرزەزانی پێشبینییەکانی بۆ کەشوهەوای ئەمڕۆ و سبەی شارەکانی هەرێم بڵاوکردەوە.

بەڕێوەبەرایەتی گشتی کەشناسی و بومەلەرزەزانیی هەرێم بڵاویکردەوە: ئەمڕۆ یەکشەممە، ناوچەکەمان بە گشتی هەور و باران بارین و زیادبوونی خێرایی با و نزمبوونەوەی پلەکانی گەرما دەبێت.

باسی لەوەشکرد: لە ئێستادا شەپۆلێکی باران بارین رووی لە ناوچەکەمان کردووە و باران لە سەرجەم ناوچەکەمان دەبارێت، سەرەتا لە سنووری دهۆک و ناوچە شاخاوییەکان دەبارێت، لە کاتەکانی دوای نیوەڕۆش درێژ دەبێتەوە بۆ سەرجەم ناوچەکان.
ئاماژەی بەوەشکرد: سبەی دووشەممە، لە ئەنجامی زیادبوونی کاریگەری شەپۆلەکە و نزمە پاڵەپەستۆی دەریای ناوەڕاست و دەریای سوور و قوڵبوونەوەی ناجێگری لە کەشی ناوچەکەمان، شێوازی باران بارین دەبێت بە بارانی مامناوەندی بەردەوام و لە هەندێک کات و ناوچەش دەبێتە لێزمە باران.