راچڵەكین-
له ٢٤ كاتكۆی رابردوودا ٦٤ كەسی دیكە بەهۆی ڤایرۆسی كۆرۆنای نوێ لە ئێران گیانیان لەدەستداوە، بەوەش كۆی گشتیی حاڵەتەكانی گیانلەدەستدان بەهۆی ئەو ڤایرۆسە لەو وڵاتە بەرزبووەوە بۆ حەوت هەزار و ١٨٣ كەس.
كیانوش جیهانپور، وتەبێژی وەزارەتی تەندروستیی ئێران، بە تەلەڤیزیۆنی فەرمی ئێرانی راگەیاند:" لە 24 كاتكۆی رابردوودا ٦٤ تووشبووی دیكەی ڤایرۆسی كۆرۆنا گیانیان لەدەستداوە و دوو هەزار و ٣٤٦ حاڵەتی دیكەی تووشبوون بەو پەتایەش تۆماركراون."
جیهانپور، وتیشی، تائێستا ١٢٦ هەزار و ٩٤٩ كەسیش تووشی كۆرۆنا بوون كە رەوشی تەندروستیی دوو هەزار و ٦٧٣ كەسیان باش نییە.
وتەبێژی وەزارەتی تەندروستیی ئێران ئاماژەی بەوەشدا تائێستا ٩٨ هەزار و ٨٠٨ تووشبوو چاكبوونەتەوە.