خولی لالیگا دەستپێدەكاتەوە

وەرزش

پێش 2 هەفتە     ژمارەی بینراو 172

راچڵەكین

یەكێتی تۆپی پێی ئیسپانیا بڕیاریدا خولی پلە یەكی یانەكانی ئەو وڵاتە ناسراو بە لالیگا دەستپێبكاتەوە، یەكەم یاریش لەنێوان هەردوو یانەی ریال بیتیس و سیڤیلیا ئەنجام دەدرێت.

بەگوێرەی هەواڵێكی رادیۆی كادینا كوب-ی ئیسپانی، بڕیارە خولی لالیگا لە رۆژی 19-6-2020 دەستپێبكاتەوە، ئەمەش دوای راگرتنی یارییەكان بەهۆی بڵاوبوونەوەی ڤایرۆسی كۆرۆنا لە وڵاتەو سەرانسەری جیهاندا.

ئەمەش لەكاتێكدایە یانەكانی خولی پلە یەكی ئیسپانی، لە هەفتەی رابردووەوە گەڕاونەتەوە بۆ مەشق و راهێنەكانیان وەك ئامادەكارییەك بۆ دەستپێكردنەوەی یارییەكان.

لەئێستادا یانەی بەرشەلۆنە لە ریزبەندی خولەكە دێت بە كۆكردنەوەی 58 خاڵ، بە دوو خاڵ لەپێش یانەی ریال مەدریدی ركابەری دێت.

داگرتنی ئەپی راچڵەکین بۆ ئەندۆرید

داگرتنی ئەپی راچڵەکین بۆ ئایفۆن