سكچوون
ڕاچڵهكین-
ههر كهسێك نیشانهكانی ووشكبوونهوهی لێ بهدیار كهوت پێویسته زوو چارهسهری پێویست وهرگرێت بۆ ڕێگرتن له دروست بوونی ماكهكانی سكچوون، لهم بابهتهدا دكتۆر داهات حوێزی پزیشکی پسپۆڕی هەناوی و شەکرە و نەخۆشیەکانی دڵ باس له ڕێگا چارهسهرهكانی سكچوون دهكات.
1-زۆربهی سكچوونهكان بههۆی ڤایرۆسهوهیه و بۆ ماوهی سێ ڕۆژ دهمێنێتهوه و دوایی خۆی چاك دهبێتهوه، لهو كاتهدا نهخۆشهكه پێویسته ئاو و شهربهت و شیر و شۆربا و شلهمهنی زۆر بخوات و خۆی بهدوور بگرێ له خواردنی شتی سورهوهكرواو و برژاو و خواردنی قورس تا ڕێخۆڵهكانی دێنهوه سهر تایم ههندێ جاریش خواردنی میوهی وهكو گێزهر و مۆز و ههروهها خواردنی پهتاتهی كوڵاو و برنج سوودیان دهبێت.
2-خۆ ئهگهر سكچوونهكه دوای سێ ڕۆژ ههر بهردهوام بوو یان ئهگهر نیشانهكانی ووشكبوونهوه و تا و ئازاری سكی سهختی لهگهڵ بوو یاخود ئهگهر پیسایهكه زۆر خوێنی پێوه بوو یان ڕهنگهكهی رهش بوو یاخود ئهگهر پیسایهكه ڕێك وهكو ئاو وابوو، وه ههروهها له مناڵان و كهسانی بهسالاچوو، پێویسته سهردانی خهستهخانه بكهن بۆ پشكنین وچارهسهری پێویست.
3-بۆ سكچونێك كه ناڕهحهتیه مهترسیدارهكانی لهگهڵ بێت لهوانهیه ههندێ پشكنین پێویست بێت وهكو پشكنینی خوێن و سۆناری ناوسك و نازووری كۆلۆن بۆ دۆزینهوهی نهخۆشیه ئهندامیهكان. جگه لهوانهش ههندێ پشكنین بۆ پیسایهكه دهكرێت بۆ دۆزینهوهی میكرۆبهكان تیایدا، وهكو پشكنینی گشتی پیسایی و پشكنین بۆ كۆلێرا و پشكنین و زهرعی پیسایی.
4-بۆ چارهسهری سكچوون دكتۆر بڕیاری پێدانی مغزی گیراوه واته "دیكسترۆلایت" دهدات بۆ قهرهبووكردنهوهی كانزاكان و شلهمهنی بۆ نهخۆشهكه.. كاتێكیش حاڵهتهكه ببێته هۆی ووشكبوونهوه یان دابهزینی فشاری خوێن،پێویست به داخل كردن دهكات له نهخۆشخانه بۆ وهرگرتنی مغزی و ڕێگرتن له ماكهكانی ئهم حاڵهته. ئهگهر نهخۆشهكه ئازاری سك و تا و ڕشانهوه و ههوكردنی بهكتریایی یان مشهخۆری لهگهڵ دابوو، پێویستی به چارهسهری تایبهت ئهبێت بهو حاڵهتانه وهكو چارهسهری ئازارشكێن و دهرمانی دژی ڕشانهوه و دەرمانی دژەهەوکردن.
5-نابێت ئهوهشمان لهبیر بچێت كه چارهسهركردنی ماكهكانی وهكو لهكاركهوتنی گورچیلهكان بهشێكن له چارهسهر، خۆ ئهگهر سچكوونهكه بههۆی نهخۆشیه ئهندامیهكانی وهكو نهخۆشی ههوكردنی درێژخایەنی كۆلۆن بێت پێویسته چارهسهری تایبهت وهرگرێت.
-7شایهنی باسه پڕۆسهی سكچوون بریتیه له ڕزگار كردنی ڕیخۆڵهكان و لهش لهو خۆراكه خراپهی یان لهو میكرۆبهی كه نامۆیه به جهسته و زیانبهخشه، بۆیه ئهو دهرمانانهی كه ئهبنه هۆی وهستاندنی سكچوونهكه وهكو حهبی ئینتیرۆستۆپ باش نیه و لهوانهیه ههوكردنی ناو ڕیخۆڵهكان خراپتر بكات، بۆیه وا باشه ئهو جۆره دهرمانانه بهكار نهیهت بهڵكو لهجیاتی ئهوه ههوڵی قهرهبوو كردنهوهی شله بهفیڕۆچووهكه بدرێت تا ئهو كاتهی سكچوونهكه دهوهستێتهوه.