راچڵەكین-
فەرماندەی گشتی هێزە چەكدارەكانی عیراق بەسەردانێكی رانەگەیەندراو گەیشتە شاری كەركوك.
بەیانی ئەمڕۆ سێشەممە، مستەفا كازمی، فەرماندەی گشتی هێزە چەكدارەكانی عیراق بەفڕۆكەیەكی سەربازی و جلوبەرگی سەربازییەوە گەیشتە فڕۆكەخانەی كەركوك.
بەگوێرەی زانیارییەكان، سەردانەكەی كازمی بۆ كەركوك بۆ ئاگاداربوون و سەرپەرشتیكردنی ئەو ئۆپراسیۆنە سەربازیەیە كەلە باشوری خۆرئاوای كەركوك دژی گروپە چەكدارەكان ئەنجامدەدرێت.
سەردانەكە لەكاتێكدا دێت كە ئەمڕۆ سێشەممە قۆناغی دووەمی ئۆپراسیۆنی " پاڵەوانانی عیراق" لەناوچەكانی نێوان هەردوو پارێزگای سەڵاحەدین و كەركوك دژی گروپە چەكدارییەكان بەتایبەت چەكدارانی داعش دەستیپێكرد.