‎كۆسرەت ڕەسول عەلی

راچڵەكین-

سەرۆكی ئەنجوومەنی باڵای سیاسی و بەرژەوەندی یەكێتی نیشتمانی كوردستان، بەبۆنەی 19 هەمین ساڵیادی دامەزراندنی كۆمەڵی ئیسلامی كوردستان، پەیامێكی پیرۆزبایی ئاڕاستەی ئەمیرو ئەندامانی ئەنجوومەنی سیاسی و  ئەندامانی ئەو حزبە كرد.

كۆسرەت رەسول عەلی، لەپەیامەكەیدا كە ئەمڕۆ سێشەممە 2-6-2020 بڵاوكراوەتەوە ئاماژەی بەوەكردووە:" دۆخی كوردستان لەهەموومان دەخوازێ هاوكارو پشتیوان و تەبا بین و كاربكەین بۆ خزمەتی كۆمەڵگاكەمان و چارەسەری سەرجەم كێشەو گرفتەكان بكەین."

دەقی پەیامەكە/

‎بەڕێز مامۆستا عەلی باپیر- ئەمیری كۆمەڵی ئیسلامی كوردستان
‎بەڕێزان ئەندامانی ئەنجومەنی سیاسی و دۆست و لایەنگرانی كۆمەڵی ئیسلامی

‎بەبۆنەی نۆزدەهەمین ساڵیادی دامەزراندنی كۆمەڵی ئیسلامی كوردستان، بەناوی خۆم و هەڤاڵانم لە یەكێتیی نیشتمانیی كوردستان پیرۆزباییتان ئاراستە دەكەم و هیوای سەركەوتنتان بۆ دەخوازم.

‎كۆمەڵی ئیسلامی كوردستان حزبێكی كاریگەرو سەرەكییە لە هەرێمی كوردستان و لەماوەی ڕابردوودا هاوشانی هێزو لایەنە سیاسییەكان ڕۆڵی دیاری هەبووە لە گۆڕەپانی سیاسی هەرێمی كوردستان، بۆ ئەمڕۆش جەخت لە پەرەپێدانی پەیوەندی نێوانمان دەكەینەوەو هیواخوازین پەرەی زیاتر بە پەیوەندییەكانمان بدەین.

‎دۆخی كوردستان لەهەموومان دەخوازێ هاوكارو پشتیوان و تەبا بین و كاربكەین بۆ خزمەتی كۆمەڵگاكەمان و چارەسەری سەرجەم كێشەو گرفتەكان بكەین.

‎دووبارە پیرۆزبایی خۆمتان ئاراستە دەكەم.

‎كۆسرەت ڕەسول عەلی
‎سەرۆكی ئەنجومەنی باڵای سیاسی و بەرژەوەندی 
‎یەكێتی نیشتمانی كوردستان