راچڵەكین-
قائیمقامییەتی سلێمانی بڵاویكردەوە، نرخی ئەمپێرێك كارەبای موەلیدەی ئەهلی بۆ مانگی ئایار لەنێوان چوار هەزار بۆ چوار هەزارو 500 دینار دەبێت.
قائیمقامییەتی سلێمانی لەراگەیەندراوێكدا كە ئەمڕۆ سێشەممە 2-6-2020 بڵاوكراوەتەوە ئاماژەی بەوەكردووە:" بە گوێرەی نرخی گازوایل نرخی كاتكۆیەك ئەمپێری مۆلیدە بە (32.5) سی و دو دینار و نیو بۆ مانگی پێنج دیاریكرا، كەبە تێكڕایی موەلیدە ئەهلییەكان لەنێوان (120) بۆ (135) كاتكۆ كاریان كردووە، بەمەش نرخی ئەمپێرێك كارەبا لەنێوان چوار هەزار بۆ چوار هەزار و (500) هەزار دینار دەبێت و نرخی ئەمپێڕێكیش لە گەڕەكێك بۆ گەرەكێكی دیكە جیاوازە."
سەبارەت بەبەرنامەی كاركردنی موەلیدەكان بۆ مانگی شەش، ئەوە خراوەتەڕوو:" هەركاتێك كارەبای نیشتمانی كوژایەوە پێویستە موەلیدە ئەهلییەكان كارەبا بۆ هاوڵاتیان دابین بكەن و، پێویستە پاش كوژانەوەی كارەبای نیشتمانی (10) خولەك زیاتر بەسەر كارپێكردنی موەلیدە تێنەپەڕێت، بەپێچەوانەوە، سەرپێچیكار روبەڕوی یاسا دەكرێتەوە."