راچڵەكین
سەرۆكایەتی ئەنجومەنی نوێنەرانی عێراق بە رێككەوتن لەگەڵ سەرۆكی كوتلەكان و لیژنەكانی پەرلەمان، بڕیاریدا بە دەستپێكردنەوەی دانیشتنەكان و پەسەندكردنی یاساو بڕیارەكان.
ئەمڕۆ 2-6-2020، سەرۆكایەتی ئەنجومەنی نوێنەرانی عێراق لەگەڵ سەرۆكی كوتلەكان و لیژنەكانی پەرلەمان كۆبوویەوە.
بەگوێرەی میدیاكانی عێراق، لە كۆبوونەوەكەدا دەستەی سەرۆكایەتی و سەرۆك كوتلەكانی پەرلەمان، رێككەوتن لەسەر دەستپێكردنەوەی دانیشتنەكانی پەرلەمان بەمەبەستی پەسەندكردنی پرۆژەیاساكان و دەركردنی بڕیارەكانی پەیوەست بە كاروباری هاوڵاتیان.
هەر لەو بارەیەوە سەرۆكایەتی ئەنجومەنی نوێنەران، رایگەیاند سبەینێ 3-6-2020، دانیشتنی پەرلەمان بەڕێوەدەچێت و تیایدا گفتوگۆ لەبارەی پرۆژەیاسای قەرزی دەرەكی و ناوخۆیی دەكرێت بۆ پڕكردنەوەی كورتهێنانی بودجەی 2020.