خۆشه‌ویستی

ڕاچڵه‌كین-

ڕه‌نگه‌ ده‌ستكه‌وتنی خۆشه‌ویستی بێ به‌رژه‌وه‌ندی له‌ ئێستادا ئاسان نه‌بێت، له‌م بابه‌ته‌دا به‌ 8 تایبه‌تمه‌ندی ئاشنا ده‌بیت كه‌ ئاماژه‌یه‌ بۆ ئه‌وه‌ی‌ هاوسه‌ره‌كه‌ت بێ به‌رژه‌وه‌ندی خۆشی ده‌وێیت.

1- گوێت لێده‌گرێت زیاتر له‌وه‌ی قسه‌ بكات: زۆرینه‌ی پیاوان كه‌ ده‌كه‌ونه‌ خۆشەویستی خانمێكه‌وه‌ زیاتر حه‌ز به‌ گوێگرتن ده‌كه‌ن له‌گه‌ڵی نه‌ك زۆر قسه‌ كردن و باس كردنی خودی خۆیان.

2-ئاگاداری هاوڕێ كانت و خێزانه‌كه‌ت ده‌بێت: ئه‌گه‌ر پیاوێك گرنگی به‌ هاوڕێكانت و ته‌واوی خێزانه‌كه‌ت دا زیاتر له‌ خۆت ئه‌وه‌ نیشانه‌ی ئه‌وه‌یه‌ به‌ ڕاستی خۆشی ده‌وێیت.

3-دورت ناخاته‌وه‌ له‌ گفتووگۆ و مشتومڕه‌كانی له‌گه‌ڵ ئه‌وانی دیكه‌: له‌ كاتێكدا له‌گه‌ڵ چه‌ند كه‌سێك له‌ قسه‌ و گفتووگۆدایه‌ و تۆیش وه‌ستا بیت قسه‌كانی تایبه‌ت ناكات و چپه‌ ناكات به‌ ڵكو هه‌موو شتێك به‌ ئاشكرا و بێ شاردنه‌وه‌ له‌به‌ر چاوی تۆدا بۆ ئه‌وانی دیكه‌ باس ده‌كات .

4-هه‌میشه‌ شانازی به‌سه‌ركه‌وتنه‌كانته‌وه‌ ده‌كات 

5-هه‌میشه‌ سوپاسگوزاره‌ كه‌سێكی وه‌ك تۆی هه‌یه‌ .

6-ده‌ستبه‌رداری هیچ نابێ و ده‌ست هه‌ڵناگر تا تۆ پیێ نه‌ڵێیت " بوه‌سته‌" 

7-رێز له‌ ڕا و بۆچوونه‌ جیاوازه‌كان و ڕه‌فتاره‌ نه‌شازه‌كانیشت ده‌گرێت .

8-هه‌میشه‌ تۆ له‌ پێشترینی بۆی به‌ر  له‌ هه‌ر شتێكی تر .