راچڵەكین- كامەران كەریم
بەڕێوەبەری نەخۆشخانەی گشتی شەهید شەوكەت لەقەزای سەیدسادق ئاشكرایكرد، كارمەندو پزیشكانی نیشتەجێ، كۆتاییان بەبایكۆت هێناو دەستیان كردەوە بەدەوام.
حەیدەر حەسەن، بەڕێوەبەری نەخۆشخانەی گشتی شەهید شەوكەت لەقەزای سەیدسادق بە ڕاچڵەكین- ی ڕاگەیاند:" ئەمڕۆ شەممە پزیشكانی نیشتەجێ، لەنەخۆشخانەكەمان بایكۆتی دەوامیان شكاند و گەڕانەوە سەركارەكانیان و پێشوازی لەنەخۆش دەكەن."
وتیشی:" لە ئێستادا دەوام لەسەرجەم بەشەكانی نەخۆشخانە كراوەیە تەنها بەشی قاوشی نەشتەرگەری نەبێت بەهۆی كردنەوەی بەشی كۆرۆنا، ئەگەر دڵنیاكراینەوە مەترسی دروست نابێت هۆڵی نەشتەرگەریش دەكرێتەوە."
ماوەی زیاتر لەمانگێكە، بەشێك لەكارمەندان و پزیشكان بایكۆتی دەوامیان كردووە بەهۆی خەرجنەكردنی شایستە داراییەكانیان و دواكەوتنی مووچەكانیان .