راچڵەكین
بەڕێوەبەرایەتی نەهێشتنی ماددە هۆشبەرەكان، دەستگیركردنی دوو تۆمەتباری بە رەگەز ئێرانی و دەستبەسەرداگرتنی 8 كیلۆ ماددەی هۆشبەر رادەگەیەنێت، كە لەناو بزوێنەری شۆفڵدا شاردرابوونەوە.
بەگوێرەی راگەیاندراوێكی بەڕێوەبەرایەتی نەهێشتنی ماددە هۆشبەرەكان، كە ئەمڕۆ 18-2-2020 بڵاویكردووەتەوە، تیایدا هاتووە، بەهەوڵی ئەفسەرو كارمەندەكانیان، توانراوە دەستبەسەر پێنج كیلۆ ماددەی هۆشبەر لە جۆری تلیاك و سێ كیلۆ لە جۆری كتامین-دا بگیرێت.
راگەیاندراوەكە، ئاشكرایكردووە، ماددە هۆشبەرەكان لەناو (پولی و شەفت)ی بزوێنەری شۆفڵێكدا شاردرابوونەوەو دەیانویست لە ڕێگەی كۆمپانیایەكی گواستنەوە، ڕەوانەی وڵاتی كەنەدای بكەن.
بەڕێوەبەرایەتی نەهێشتنی ماددە هۆشبەرەكان باسی لەوەشكردووە كە دوو تۆمەتباری بە رەگەز ئێرانی دەستگیركراون.