راچڵەكین-
پارێزگاری سلێمانی رایدەگەیەنێت، ئێوارەی ئەمرۆ لیژنەی باڵای ئۆپەراسیۆنەكان رێكاری نوێ بۆ بەرەنگاربوونەوەی كۆرۆنا لە پارێزگاكە دەردەكات.
لە رۆژی ٢٠-٦-٢٠٢٠وە تائێستا لیژنەی باڵای ئۆپەراسیۆنەكانی پارێزگای سلێمانی بە سێ قۆناغ چەندین بڕیاری بۆ رووبەڕووبوونەوەی كۆرۆنا دەركردووە، سبەینێ هەینی ١٠-٧-٢٠٢٠، كۆتا رۆژی ئەو ریكارانەیە كەدواهەمین جار راگەیەندرا.
هەڤاڵ ئەبوبەكر، پارێزگاری سلێمانی، ئەمڕۆ پێنجشەممە ٩-٧-٢٠٢٠، لە لێدوانێكی تایبەتدا بە راچڵەكین-ی راگەیاند:" بەشێكی ئەو رێكارانەی پێشتر گیراونەتە بەر درێژدەكرێنەوە، بەشێكیشیان بە رێنمایی و خۆپارێزی توندەوە هەڵدەگیرێن، ئێستاش لیژنەی باڵای باڵای ئۆپەراسیۆنەكانی پارێزگای سلێمانی سەرقاڵی نووسینی ئەو رێكارانەن و ئێوارەی ئەمڕۆ رایدەگەیەنین."
بە پێی زانیارییەكانی راچڵەكین، تەندروستی سلێمانی پێشنیاری كردووە بۆ ماوەی یەك هەفتەی دیكە پشووی فەرمانگەكان لە سلێمانی درێژ بكرێتەوە.