مایك پۆمپیۆ وەزیری دەرەوەی ئەمریكا
راچڵەكین
ئیدارەی ئەمریكا دەستپێشخەرییەكی نوێ ئاراستەی ئێران دەكات بۆ دەستپێكردنەوەی دانوستانەكانی نێوانیان، وەزیری دەرەوەی ئەو وڵاتەش رایدەگەیەنێت: ئامادەین بۆ دانسوتان، بەڵام بەو مەرجەی تاران هەڵسوكەوتەكانی ئێستای لە رەگ و ریشەوە بگۆڕێت.
مایك پۆمپیۆ لە لێدوانێكی رۆژنامەوانیدا، كە ئەمڕۆ 19-2-2020 لەئەدیس ئەبابای پایتەختی ئەسیوپیا ئەنجامیدا، رایگەیاند: ئامادەین لەهەر كاتێكدا بێت، دەست بە دانوستانەكان لەگەڵ كۆماری ئیسلامی ئێران بكەین، بەڵام بەو مەرجەی تاران دەستبەرداری هەڵسوكەوتەكانی ئێستایان بن و لەڕەگ و ریشەوە بیگۆڕن.
پۆمپیۆ ئاماژەی بەوەشكرد، وڵاتەكەی بەهیچ شێوەیەك نیازی كەمكردنەوەی گوشارەكانی سەر تاران و سووككردنی سزاكانی نییە، وتیشی: ئێمە پەلەمان نییەو سزا سەپێنراوەكانی سەر ئێرانیش بەردەوام دەبێت.
وەزیری دەرەوەی ئەمریكا جەختی لەوەشكردەوە، بابەتەكە تەنها پەیوەست نییە بە سەپاندنی سزای ئابوورین بەڵكو هەوڵەكانیان بە ئاراستەی گۆشەگیركردنی ئێرانە لەڕووی دیبلۆماسییەوە.