لەبارەی بەکارهێنانی دەرمانی فاڤیپیراڤیر پزیشکێک هۆشداری دەدات

تەندروستی

پێش 4 هەفتە     ژمارەی بینراو 253

راچڵەکین-

هاونیشتمانی ئازیز...
خوشک و برای بەڕێزم...

ئەو دەرمانەی کە ئێستا لە کوردستان بەردەستە، بەناوی (فاڤیپیراڤیر) پێشتر لە چەند ووڵاتێکی تر بەکارھاتووە کە دەشێ سوودی ھەبێت لە چارەسەری کۆڤید_کۆڕۆنا و کە ھیوادارم کاریگەریی ھەبێت لە کوردستان، لەھەمان کاتدا لە ھەندێ ووڵات ھیچ کاریگەرییەکی ئەوتۆی نەبووە.

تا ئێستا و ئەم دەقەیەش ھیچ دەرمانێکی باوەڕپێکراوی ڕەسمی لە ڕێکخراوی تەندروستی جیھانیی بۆ کۆڕۆنا_کۆڤید نەدۆزراوەتەوە و ئەوانەی تا ئێستا باس دەکرێن، تەنھا ئەنجامی لێکۆڵینەوەن و بە گشتگیریی پشتڕاست نەکراونەتەوە، واتا ئەو حەبی فاڤیپیراڤیرە، چارەسەری دژە کۆڕۆنا نییە بە ڕەسمیی، دەشێ لە ھەندێ کەسی تووشبوو بە ڤایرەسەکە سوودی ھەبێت و لەھەندێ کەس نەیبێت.

تکا دەکەم لە خۆتانەوە ئەو حەبە لە دەرمانخانەکان مەکڕن و مەیخۆن تا پزیشکی پسپۆڕی تایبەت نەینووسێت! ئەم حەبە لێکەوتەی سلبیی ھەیە و بێ ئامۆژگاریی پزیشک نەکەیت وەریبگریت و بەوە نەخەڵەتێیت کە ئەو حەبە چارەسەری کۆتایی کۆڕۆنا ڤایرەسە، چونکە دووبارەی دەکەمەوە دەشێ سوودی ھەبێت و دەشێ ھیچ سوودی نەبێت، ئەوە پێویستی بە لێکۆڵینەوە ھەیە تا بڕیاری کۆتایی لەسەر بدرێت. لە ھەموو بوارێکدا، پرس بە پزیشکی پسپۆڕ بکە پێش بەکارھێنانی.

د.زانا دزەیی
پسپۆڕی ھەناو

داگرتنی ئەپی راچڵەکین بۆ ئەندۆرید

داگرتنی ئەپی راچڵەکین بۆ ئایفۆن