راچڵەكین
نوسینگەی ڕۆژنامەوانی كۆسرەت ڕەسول عەلی، روونكردنەوەیەك سەبارەت بە رێككەوتنی نهێنی بۆ دانانی دوو هاوسەرۆك بۆ یەكێتی، بڵاودەكاتەوەو سەرجەم ئەو دەنگۆیانەش رەتدەكاتەوە كە لەو بارەیەوە بڵاوبوونەتەوە.
دەقی روونكردنەوەكە:
هەڤاڵان ئەندامانی ئەنجومەنی باڵای سیاسی
بەڕێزان ئەندامانی ئەنجومەنی سەركردایەتی
ئەندام و لایەنگرانی یەكێتی نیشتمانی كوردستان
جەماوەری خۆڕاگری كوردستان
لە دوێنێوە دەنگۆیەك بڵاوبۆتەوە گوایە هەڤاڵ كۆسرەت ڕەسول سەرۆكی ئەنجومەنی باڵای سیاسی و بەرژەوەندی یەكێتی ڕەزامەندبووە و ڕێككەوتنی نهێنی لەژوورە تاریكەكان ئەنجامداوە بۆ هەڵبژاردنی دوو هاوسەرۆك بۆ یەكێتی نیشتمانی كوردستان.
لێرەوە ڕایدەگەیەنین كە جەنابی كاك كۆسرەت هیچ ڕێككەوتنێكی نهێنی ئەنجام نەداوە و هەمیشە لەگەڵ تەبایی و یەكڕیزی نێوان هەڤاڵانی یەكێتی نیشتمانی كوردستانەو ڕای وایە ئەمڕۆو ئایندەی یەكێتی پێویستی بە هەموو هەڤاڵانەو دەبێ هەموو پێكەوە كاربكەن بۆ سەرخستنی یەكێتی و خزمەتكردنی هاووڵاتیانی كوردستان.
نووسینگەی ڕۆژنامەوانی
كۆسرەت ڕەسول عەلی