راچڵەكین
ئەگەرچی ئەمڕۆ ٢١-٣-٢٠٢٠ دەنگۆی بڵاوبوونەوەی دابەشكردنی مووچەی وەزارەتی پەروەردە لە هەندێك میدیا بڵاوكرایەوە، بەڵام سەرچاوەیەك لە وەزارەتی دارایی رەتیدەكاتەوە هیچ لیستێكی نوێی مووچەیان بڵاوكردبێتەوە.
سەرچاوەیەك لە وەزارەتی دارایی و ئابووری حكومەتی هەرێم، لەبارەی دەنگۆی دابەشكردنی مووچەی وەزارەتی پەروەردە، تایبەت بە راچڵەكین-ی راگەیاند: وەزارەتی دارایی هیچ لیستێكی نوێی دابەشكردنی مووچەی بڵاونەكردووەتەوە.
سەرچاوەكە وتیشی: هەر لیستێكی نوێی مووچە ئامادەبێت، لەیەك كاتدا دەیدەین بە هەموو راگەیاندنەكان بەبێ جیاوازی.