راچڵەكین -
دوای ساڵانێكی زۆر دابڕان لە كاری هونەری، هونەرمەند هەردی سەڵاح بە دوو بەرهەمی نوێ دەگەڕێتەوە ناو كایەی هونەرو دەشڵێت بەرهەمەكەم “بەئاستێكی بەرز بۆم ئامادە كردوون”.
هونەرمەند هەردی سەڵاح رایگەیاند: لە داهاتوودا دوو گۆرانی نوێ بڵاودەكەمەوە، كە بەئاستێكی بەرز بۆم ئامادەكردوون بۆ هەولێر و رەمزەكانی، بۆ نیشتمان.
دەشڵێت: ئەمەیان هونەرە و بێ جیاوازی بۆ هەمووانە بۆ ئەوانەیە كە دەنگم پێ دەدەن و بۆ ئەوانەشە كە دەنگیشم پێ نادەن.
چەند رۆژی رابردوو هونەرمەند هەردی سەڵاح كاندیدبوونی خۆی بۆ پەرلەمانی كوردستان لە لیستی یەكێتیی نیشتمانیی كوردستان لە شاری هەولێر ئاشكراكردو رایگەیاند: بە پشتیوانی خوای گەورە و خەڵكی سەربەرزی شاری هەولێر، بۆ ئەم قۆناغە مێژووییە نوێیە، لەسەر لیستی یەكێتیی نیشتمانیی كوردستان لە بازنەی هەولێر، كاندیدم بۆ پەرلەمانی كوردستان ژمارە 10.