راچڵەكین-

سوپای ئیسرائیل رایگەیاند، ناسنامەی چوار بارمتەگیراویان بۆ ساغبووەتەوە كە لای بزووتنەوەی حەماس كوژراون.

ئەمڕۆ چوارشەممە 14ی تشرینی یەكەمی 2025سوپای ئیسرائیل لەراگەیەندراوێكدا بڵاویكردووەتەوە:"  دوای كۆتایی هاتنی پرۆسەی ناسینەوە لەلایەن پەیمانگای نیشتمانی داد پزیشكی، بەهەماهەنگی لەگەڵ پۆلیسی ئیسرائیل و حاخامی سەربازی، نوێنەرانی سوپای ئیسرائیل خێزانی هەریەك لەبارمتەگیراوان گای ئیلۆز و بیبین جوش و دوو بارمتەگیراوی تر كە لەسەر داوای خێزانەكانیان ناوەكانیان بڵاونەكراوەتەوە، ئاگادار كراون كە رۆڵەكانیان كوژراون."

وەك لەراگەیەندراوەكەی سوپای ئیسرائیلدا هاتووە:" غای ئیلۆز دوای برینداربوونی لە ئاهەنگەكەی نۆڤا لەناوچەی تل غاما، لەلایەن چەكدارانی حەماس-ەوە رفێندراوەو بەهۆی وەرنەگرتنی چارەسەری پێویست لەلای حەماس، لەتەمەنی 26 ساڵیدا گیانی لەدەستداوە."

لەكۆتایی بەیاننامەكەی سوپای ئیسرائیلدا هاتووە:" داوا لە بزووتنەوەی حەماس كراوە بەڵێنەكانی خۆی وەك لەرێكەوتنەكاندا هاتووە، بباتەسەرو تەرمی سەرجەم ئەو بارمتەگیراوانەی گیانیان لەدەستداوە بگەڕێنێتەوە كە گیانیان لەدەستداوە تا بەشێوەیەكی شیاو بەخاك بسپێردرێن."