ڕاچڵەکین سپۆرت -

 

ئەمڕۆ چوارشەممە یانەی بەرشەلۆنە گرێبەستی نوێکردنەوەی فرێنکی دی یۆنگی یاریزانی هۆڵەندی تا ساڵی 2029ی ڕاگەیاند، ئەو ڕاگەیەندراوەی لە مەراسیمێکی فەرمیدا کە لە بارەگای یانەکە بەڕێوەچوو، بە ئامادەبوونی خوان لاپۆرتا سەرۆکی یانەی بەرشەلۆنە و ئەندامانی خێزانی یاریزانەکە و ئەندامانی لیژنەی وەرزشی، ئەم هەنگاوە پابەندبوونی یانەکە پشتڕاست دەکاتەوە بە خزمەتکردنی یەکێک لە پایەکانی پڕۆژەی هانسی فلیکی ڕاهێنەری ئەڵمانی.

ماڵپەڕی فەرمی یانەکە ئاماژەی بەوە کردووە کە گرێبەستەکە دوای مەشقەکانی بەیانی واژۆ کراوە، دی یۆنگ گەیشتە ئۆفیسەکانی یانەکە و گرێبەستە نوێیەکانی شانبەشانی لاپۆرتا و ڕافایل جەستێ جێگری یەکەمی سەرۆکی یانەکە و جوان سۆلەر ئەندامی دەستەی کارگێڕی و بەڕێوەبەری تۆپی پێ دیکۆ و ڕێکخەری تیپ بۆیان کریکیچ و باقی ئەندامانی لیژنەی وەرزشی واژۆکرد، لە مەراسیمەکەدا پێزانینی یانەکە دەربڕی بۆ سیفەتە تەکنیکی و پیشەگەرەکانی یاریزانەکە لەناو ژووری جلگۆڕین.

لەو کاتەوەی لە هاوینی 2019وە لە یانەی ئەیاکس ئەمستردامەوە پەیوەندی بە بەرشەلۆنەوە کردووە، دی یۆنگ خۆی وەک یەکێک لە یاریزانە ڕەسەن و زیرەکەکانی ناوەڕاستی ئەوروپا جێگیر کردووە، دوای ئەوەی وەرزی یەکەمی بە ئاسوودەیی بەسەربرد، سەرەڕای گۆڕینی ڕاهێنەرەکانی، بووەتە یاریزانێکی سەرەکی، وەرزی ڕابردوو (2024/25)، 46 یاری ئەنجامدا و دوو گۆڵی تۆمارکرد، پێش ئەوەی تووشی پێکانێکی سووک ببێت.

دی یۆنگی تەمەن 28 ساڵ لە لوتکەی تواناکانی تۆپی پێدایە، دوو نازناوی لالیگا و دوو نازناوی جامی شای ئیسپانیا و دوو نازناوی جامی سوپەری لەگەڵ بەرشەلۆنە بەدەستهێناوە. هەروەها بووەتە دووەم یاریزانی هۆڵەندی بۆ یانەکە لە دوای فیلیپ کۆکۆ، ئەو بەردەوامە لە نووسینی مێژووی خۆی لە کامپ نۆ بە خۆڕاگری و متمانە بەخۆیەوە، ئەمەش لە کاتێکدایە کە یانەکە متمانەی تەواوی هەیە کە دەبێتە پایەی نەوەی داهاتووی بەرشەلۆنە لەلایەن فلیکەوە.