ڕاچڵەکین سپۆرت -

 

جیرارد پیکێ ئەفسانەی پێشووی یانەی بەرشەلۆنە لە میانی چاوپێکەوتنێکدا لەگەڵ بلیکس و مارسێلۆی ئەستێرەی پێشووی بەڕازیلی ناوی ئەو یاریزانەی ئاشکرا کرد کە زۆرترین جار لە ژیانی وەرزشیدا "زەلیلی" کردووە.

پیکێ بە زەردەخەنەیەکی دوودڵییەوە وەڵامی دایەوە و وتی، زەلیلکردن وشەیەکی توند و تیژە، بەڵام لە یارییەکدا بەرامبەر ئۆساسۆنا لە پامپلۆنا، ڕووبەڕووی هێرشبەرێکی باڵابەرز بوومەوە، پێموایە کرواتی بوو، ئێمەش بە تەواوی ڕێگریمان لێنەکرا.

بەرگریکارە ئیسپانییەکە ئاماژەی بە یارییە بەناوبانگەکەی وەرزی 2011-2012 کردووە، کە بەرشەلۆنە لە یاریگای ئێل سادار بە ئەنجامی 3-2 دۆڕا. پیکێ ئاماژەی بەوەشکرد، کەشوهەوا زۆر سارد بوو، یاریگاکەش وەک چیمەنتۆ سەخت بوو، یاریزانانی ئۆساسۆنا پێڵاوی بچووکیان لەپێدا بوو کە کۆتاییەکانیان کورت بوو، لەکاتێکدا ئێمە بە پێڵاوە ئاساییەکانمانەوە یاریمان دەکرد، بۆیە تەنانەت نەماندەتوانی بە باشی ڕابکەین، ئەزموونێکی زۆر بێزارکەر بوو، وەک ئەوەی بە پێڵاوەوە لەسەر زەوییەکی سەخت ڕابکەین.

پیکێ ڕوونیکردەوە، ئەو هێرشبەرەی ئەو شەوە منی ماندوو کرد و دوو گۆڵی تۆمارکرد، وایکرد هەمووان لە ئیسپانیا باسی بکەن، تەنانەت دوای ئەم ئاستە سەرسوڕهێنەرە، وەک خۆی دەڵێت، وایکرد یاریزانێکی نێودەوڵەتی بێت، تەنانەت پویۆلیش نەیتوانیوە ڕێگری لێبکات، یارییەکی باوەڕپێنەکراوی ئەنجامدا، ئەو ڕۆژەش وا دیاربوو خەڵاتی تۆپی زێڕینی بەدەستهێناوە.

ڕۆژنامەی مارکای ئیسپانی ناسنامەی ئەو یاریزانە "لەبیرکراوە" ئاشکرا دەکات کە پیکێ ئاماژەی پێکردووە: دیجان لێکیچ، هێرشبەرە سربییەکە لە نێوان ساڵانی 2010 بۆ 2012 بۆ ئۆساسۆنا یاری کردووە، هەرچەندە لە 41 یاریدا بۆ تیپەکە تەنها 8 گۆڵی تۆمارکردووە، بەڵام ئەو شەوەی بەرامبەر بەرشەلۆنە بەناوبانگترین گۆڵی ژیانی وەرزشی بوو.

لێکیچ دە جار نوێنەرایەتی سربیا کردووە و بۆ چەندین یانەی ئیسپانی یاری کردووە، لەوانە سپۆرتینگ جیخۆن، ڕیۆس، ئیبار، کادیز، پێش ئەوەی کۆتایی بە ژیانی وەرزشی خۆی بهێنێت لەگەڵ لاس ڕۆزاس.