راچڵەكین -

وەزارەتی خوێندنی باڵا و توێژینەوەی زانستی ئەنجامی وەرگرتنی دەرچوانی قۆناغی 12ی ئامادەیی لە زانكۆ و پەیمانگە تایبەتەكانی هەرێمی كوردستان رادەگەیەنێت.

وەزارەتەكە لە راگەیەندراوێكدا، ئەنجامی وەرگرتنی دەرچوانی قۆناغی 12 ئامادەیی لە زانكۆ و پەیمانگە تایبەتەكانی هەرێمی كوردستان بۆ ساڵی خوێندنی (٢٠٢٣-٢٠٢٤) رگەیاندو لە ئێستاوە پێشكەشكاران دەتوانن لەڕێگەی ئەم لینكەوە ئەنجامی وەرگرتنیان لە زانكۆ و پەیمانگەكان بە كۆدی تاقیكردنەوەكانیان وەربگرنەوە.

راگەیاندنی ئەنجامی وەرگرتنی خوێندكاران لە زانكۆ و پەیمانگە تایبەتەكانی هەرێمی كوردستان، هاوكاتە لەگەڵ بڕیاری وەزارەتی خوێندنی باڵا وتوێژینەوەی زانستی، تایبەت بە كەمكردنەوەی كرێی خوێندن لە زانكۆ و پەیمانگە تایبەتەكانی هەرێمی كوردستان، كە ساڵانە بەڕێژەی (10 بۆ 20%) كەمدەكرێتەوە، ئەمەش لەپێناو لەبەر چاوگرتنی باری دارایی هاوڵاتیانی هەرێمی كوردستان.

وەزارەتی خوێندنی باڵا، راشیگەیاندووە، پێویستە وەرگیراوان لەماوەی سێ ڕۆژدا پەیوەندی بە شوێنی وەرگرتنیان بكەن، بە پێچەوانەوە مافی وەرگرتنیان لەو بەشە نامێنێت.