راچڵەكین -

بەڕێوەبەرایەتی كەشناسی و بومەلەرزەزانی هەرێمی كوردستان پێشبینییەكانی بۆ كەشوهەوای 48 كاتژمێری داهاتووی ناوچە جیاجیاكانی هەرێم بڵاودەكاتەوە.

بەپێی پێشبینییەكان، ئەمڕۆ هەینی    21- 03- 2025 ئاسمان هەور دەبێت , پێشبینی دەكرێت لە ناوچەكانی باكوور و ڕۆژهەڵاتی هەرێم وەك ( پارێزگای سلێمانی و پارێزگای هەڵەبجە و پارێزگای دهۆك و ئیدارەی سۆران و ئیدارە ی گەرمیان ) نمە باران و بارانی مامناوەند  ببارێت بە تایبەت لە كاتەكانی دوای نیوەڕۆ . 

 لە ناوچە شاخاوییە سنوریەكانی باكوور و ڕۆژهەڵاتی هەرێم ئەگەری كەمێك بەفر بارین هەیە. پلەكانی گەرما  بە نزیكەی 2 تــــا 4 پلەی سیلیزی نزمتر دەبێت لە تۆماركراوەكانی دوێنی.

سبەی شەممە  22- 03- 2025 ئاسمان نیمچە هەور  دەبێت لە هەندێك ناوچە دەگۆڕێت بۆ هەوری تەواو، لە سنوری پارێزگای دهۆك كەمێك نمە باران دەبارێت و لە ناوچە شاخاوییە سنوریەكانی باكوور ئەگەری كەمێك بەفر بارین هەیە . 

بەرزترین پلەكانی گەرمای پێشبینیكراو بە پلەی سیلیزی
هەولێر : 17  پلەی سیلیزی
سلێمانی : 15 پلەی سیلیزی
دهۆك : 17  پلەی سیلیزی 
كەركوك : 17 پلەی سیلیزی  
زاخۆ  : 15 پلەی سیلیزی
هەڵەبجە : 15 پلەی سیلیزی
سۆران : 15 پلەی سیلیزی
حاجی ئۆمەران : 5 پلەی سیلیزی
گەرمیان :24 پلەی سیلیزی