راچڵەكین-
نوێنەری تایبەتی سەرۆكی ئەمریكا بۆ كاروباری ئۆكراینا و ڕووسیا ڕایگەیاند، ئۆكراینا ناتوانێت ببێتە ئەندام لە پەیمانی ناتۆ.
كیت كلۆگ، لە دیمانەیەكدا لەگەڵ كەناڵی فۆكس نیوز، لەبارەی ڕەوتی دانوستانەكان بۆ ئاشتی لە نێوان ئۆكراینا و ڕووسیا وتی: "واشنتۆن سەرقاڵی دانوستانە لەبارەی ئاگربەست لە نێوان ڕووسیا و ئۆكراینادا".
ئەو نوێنەرەی تایبەتی ترەمپ جەختی لەوە كردەوە، ئەمریكا پێویستە لەسەر زۆر پرسی جیاجیای جیهانیدا دەستوەردان بكات. ئاماژەی بەوەشكرد :"ئەگەری كۆتایی هێنان بە جەنگی نێوان ئۆكراینا و ڕووسیا دەتوانێت دەرفەتی گۆڕانكاری زیاتر بێنێتە كایەوە."
نوێنەری تایبەتی سەرۆكی ئەمریكا بۆ كاروباری ئۆكراینا و ڕووسیا وێرای ئاماژەدان بە ڕۆڵی نێوەندگیر بۆ نووسینەوەی ڕەشنووسێكی ڕێككەوتن لە نێوان ئۆكرینا و ڕووسیا، ڕایگەیاند، "ناتۆ جێی باس نییە و ئۆكراینا ناتوانێت ببێتە ئەندام لە پەیمانی ناتۆ. ئێوە ناتوانن بەشێك بن لە ناتۆ".