راچڵەکین –

کەشناسی پێشبینی دەکات لەمڕۆوە تاوەباران و بروسکە هەرێمی کوردستان بگرێتەوە کە تا سبەینێش بەردەوام دەبێت.

بەشی پێشبینی لە وەزارەتی گواستنەوە و گەیاندنی هەرێمی کوردستان بڵاویکردەوە، ئەمڕۆ دووشەممە، ئاسمانی کوردستان لە نێوان نیمچە هەور و ساماڵ دەبێت، لەگەڵ ئەگەری تاوە باران و بروسکەی لابەلای کەم لە ناوچەکانی باشووری خۆرئاوای هەرێم .

سەبارەت بە سبەینێ سێشەممەش رایگەیاند: لەئەنجامی نزمەپەستانێکی باشووری عیراق بۆ سەر ناوچەکە بە گشتی ئاسمانی هەرێم هەور بۆ نیمچە هەور دەبێت.

روونیشیکردەوە کە ئەگەری تاوە باران و بروسکەی کورت خایەن هەیە و زیاتر ناوچە شاخاوییەکان دەگرێتەوە، لەگەڵ ئەوەشدا ئەگەری بەرزبوونەوەی تۆز و خۆل هەیە لەناوچە کانی باشوور و ناوەراستی عیراق.

بەرزترین پلەکانی گەرمای پێشبینیکراو بە پلەی سیلیزی :
هەولێر : 29 پلەى سیلیزى
سلێمانی : 28 پلەى سیلیزى
دهۆک : 30 پلەى سیلیزى
کەرکوک : 34 پلەى سیلیزى
هەڵەبجە : 31 پلەى سیلیزى
حاجی ئۆمەران : 20 پلەى سیلیزى
زاخۆ : 30 پلەى سیلیزى
سۆران : 24 پلەى سیلیزى
گەرمیان : 38 پلەى سیلیزى