راچڵەكین- 

نرخی دۆلار لەكاتی داخستنی بازاڕدا تا ئەندازەیەك جێگیر بوونی بەخۆوەبینی و لە ئاستی 155 هەزار دینار بۆ هەر 100  دۆلار مایەوە.  


ئێوارەی ئەمڕۆ چوارشەممە، نرخی 100 دۆلاری ئەمریكایی لە بۆرسەكانی هەولێر و سلێمانی، بە 155 هەزار و 200 دینار مامەڵەی پێوەكرا، ئەمەش بەراورد بە نرخی كردنەوەی بازاڕ هەندێك دابەزینی بەخۆوەبینی، بەو پێیەی نرخی 100 دۆلار بە 155 هەزار و 300 دینار بوو. 

وێڕای رێكارەكانی بانكی ناوەندی و حكومەتی عیراق بۆ دابەزاندنی نرخی دۆلاری ئەمریكایی لەبەرامبەر دراوی نیشتمانی، بەڵام تائێستاش نرخی دراوە سەوزەكە لەبەرامبەر دیناری عیراقی، ئاستێكی بەرز تۆماردەكات.