راچڵەكین-
وتەبێژی وەزارەتی نەوتی عیراق دەڵێت، بەردەوامن لەكارەكانیان بۆ چارەسەركردنی كێشە و گرفتەكانی بەردەم دەستپێكردنەوەی ھەناردەی نەوتی ھەرێم.
عاسم جیھاد، وتەبێژی وەزارەتی نەوتی عیراق رایگەیاند، لیژنە تەكنیكییەكانی نێوان بەغداد و ھەولێر بەردەوامن لەكارەكانیان بۆ چارەسەركردنی كێشە و گرفتەكانی بەردەم دەستپێكردنەوەی ھەناردەی نەوتی ھەرێم، لەنێویشیاندا كێشەی گرێبەستی كۆمپانیا نەوتییەكان لەگەڵ حكومەتی ھەرێم.
وتیشی، گەیشتن بە رێككەوتن لەگەڵ لایەنی توركیا بۆ دەستپێكردنەوەی ھەناردەی نەوتی ھەرێم قورس نییە و ئەو وڵاتە پێی راگەیاندوون، كە بۆرییەكانیان ئامادەیە بۆ دەستپێكردنەوەی ھەناردەی نەوت.