راچڵەكین-
وەزارەتی كارەبای حكومەتی هەرێمی كوردستان بڵاویكردەوە، كارەبای 24 كاتژمێری گەیشتووەتە نزیكەی 30%ی دانیشتووانی هەرێمی كوردستان.
ئەمڕۆ چوارشەممە 9ی تەمووزی 2025 وەزارەتی كارەبای حكومەتی هەرێمی كوردستان بڵاویكردەوە، كارەبای 24 كاتژمێری لەچوارچێوەی پرۆژەی ڕووناكی، گەیشتە زیاتر لە دوو ملیۆن هاوڵاتی، كە دەكاتە نزیكەی 30%ـی دانیشتووانی هەرێمی كوردستان.
ئەوەش روونكراوەتەوە، زیاتر لە 2100 مۆلیدەی گازوایل لە گەڕەكەكان كوژێنراونەتەوە و تا كۆتایی ساڵی 2026، حكومەتی هەرێمی كوردستان لە پلانیدایە زیاتر لە حەوت هەزار مۆلیدە بكوژێنێتەوە.
وەزارەتی كارەبا ئاماژەی بەوەكردووە، تاوەكو كۆتایی ئەمساڵ سەنتەری هەر چوار پارێزگای هەولێر، سلێمانی، دهۆك و هەڵەبجە كارەبای 24 كاتژمێریان پێدەگات.