راچڵەكین-

سەرۆكی ئەمریكا دەڵێت بزووتنەوەی حەماس ئاستەنگێكی سەرەكییە لەبەردەم هەر هەوڵێك بۆ ئاگاربەست و داوایكرد " لەناو ببرێت."

دۆناڵد ترەمپ-ی سەرۆكی  ئەمریكا رایگەیاند، چیدی بزووتنەوەی حەماس هاوبەش نییە لە هەر چارەسەرێكی سیاسی غەززە بەڵكو لەئێستادا بووەتە ئاستەنگێك و پێویستە لاببرێت.

ترەمپ، وتیشی، حەماس رێكەوتنی ناوێت بەڵكو هەوڵدەدات توندوتیژی زیاتر ببێت.

لەبەرامبەردا، بنیامین ناتانیاهۆ-ی سەرۆكوەزیرانی ئیسرائیل رایگەیاندن حكومەتی وڵاتەكەی بەهەماهەنگی لەگەڵ ئەمریكا، تاوتوێی چەند بژاردەیەك دەكات بۆ بەدەستهێنانەوەی بارمتەگیراوەكان و كۆتایی هێنان بە دەسەڵاتی حەماس لە غەززە بە شێوەیەكی تەواوەتی.