راچڵەکین- 

بەڕێوەبەرایەتی کارەبای سلێمانی ئاگاداری دانیشتووانی چەند شوێنێک دەکاتەوە کە سبەی بۆ ماوەی چوار کاتژمێر کارەبایان نابێت.

بەڕێوەبەرایەتی گشتی کارەبای سلێمانی بڵاویکردەوە: ئاگاداری دانیشتووانی ئەو شوێنانە دەکەینەوە کە دەکەونە سەر وێستگەی مۆبایلی 132/11ی باریکە، سبەی سێشەممە بەهۆی کارکردن لە هێڵی 132 کەیڤی ئەزمەڕ – دەربەندیخان لە کاتژمێر 8:00ی بەیانی بۆ 12:00ی نیوەڕۆ بێ کارەبا دەبن.

ئاماژەی بەوەشکردووە: ئەو شوێنانەی سبەی بۆ ماوەی چوار کاتژمێر بێ کارەبا دەبن بریتین لە بەشی خوارەوەی گەڕەکی شەهیدان لە عەربەت، کۆمەڵگەی باریکە و گوندی باریکەی کۆن و کەمپی پەنابەرانی باریکە، هەردوو گوندی بێستانسور و پرۆژەی ئاوەکانی بێستانسوور، گوندەکانی خرابە زێرینجۆ و کاژاو و چناخچیان و پوشێن، ناحیەی بەرزنجە و گوندەکانی دەوروبەری.