راچڵەکین-

بەڕێوەبەرایەتی کەشناسی و بوومەلەرزەزانی هەرێم لەبارەی کەشی پێشبینی کراوی 48 کاتژمێری داهاتوو رایگەیاند، ئاسمان بەگشتی ساماڵ و پەڵە هەوردەبێت بەڵام لە کاتەکانی دوای نیوەڕۆی رۆژی 5ـی ئەم مانگەوە شەپۆلێکی بارانبارین ناوچە جیاوازەکانی هەرێم دەگرێتەوە و لەکاتەکانی شەودا کاریگەری شەپۆلەکە دەبێتە هۆی بەفربارین و پلەکانی گەرماش 4 پلە دابەزین بەخۆیانەوە دەبینن. 

ئەمڕۆ سێشەممە، بەڕێوەبەرایەتی کەشناسی هەرێم لەبارەی کەش و هەوای ئەمڕۆوە رایگەیاند، ئاسمان ساماڵ و پەڵەهەوردەبێت و لەکاتەکانی شەودا پلەکانی گەرما نزمبوونەوە بەخۆیانەوە دەبینن.

بەڕێوەبەرایەتییەکە لەبارەی کەشی سبەی چوارشەممە بڵاویکردەوە، لەکاتەکانی بەیانی تا دواى نیوەرۆ ئاسمان ساماڵ و پەلەهەوەر دەبێت، لە دواى نیوەرۆ ئاسمان دەگۆرێ بۆ نیمچەهەور و لە ئێوارە بۆ هەور لەگەڵ کاریگەرى شەپۆڵێکی باران بارین بۆ سەرناوچەکەمان دەست پێدەکات، هەروەها کاریگەرى ئەم شەپۆڵە لەسەر بەشێک لە ناوچە شاخاوییەکان و هەندێ ناوچەى جیاجیا بە نمە باران و ناوچە سنوورییەکان دروستدەبێت کە بەهۆیەوە لە درەنگانی شەو بەفر بارین دەستپێدەکات.

ئاماژە بەوەش کراوە، لەدواى نیوەرۆی چوارشەممەوە پلەکانی گەرما کەمێک بەرزدەبێتەوە، بەڵام لە کاتەکانی ئیوارە و شەودا  2-4 پلە نزمدەبێتەوە.

بەرزترین پلەکانی گەرمای پێشبینیکراو بە پلەی سیلیزی :

هەولێر : 19

سلێمانی : 17

دهۆک : 18 

کەرکوک : 21

زاخۆ : 20

هەڵەبجە : 18

حاجی ئۆمەران: 7

سۆران: 16

گەرمیان : 21