راچڵەكین-

وەزارەتی سامانە سروشتییەكانی حكومەتی هەرێمی كوردستان رایدەگەیەنێت، ئەمڕۆ  ڕێكەوتی 17ی تەمووزی 2025 بۆ جارێكی  دیكە كاتژمێر 10:55 لە ڕێگەی درۆنی بۆمبڕێژكراو هێرش كرایە سەر كێڵگەی نەوتی DNO لە تاوكێ لە سنووری ئیدارەی سەربەخۆی زاخۆ.

وەك لەراگەیەندراوەكەی وەزارەتی سامانە سروشتییەكاندا هاتووە، هێرشە درۆنییەكە زیانی گیانی و ماددیی لێنەكەوتووەتەوە.

وەزارەتی سامانە سروشتییەكان رایدەگەیەنێت، ئەم جۆرە هێرشانە بۆ سەر ژێرخانی ئابووریی هەرێمی كوردستان بە توندی ئیدانە و شەرمەزار دەكات و "چەند جارێكیش داوای لە حكومەتی فیدراڵی  و كۆمەڵگەی نێودەوڵەتیی كردووە بۆ پاراستنی گیانی هاووڵاتییانی نزیك بەم ناوچانە و گیانی كارمەندانی مەدەنیی  بپارێزن و ڕێگری لە هێرشەكان بۆ سەر هەرێمی كوردستان و كەرتی وزە بكەن."