نیشانه‌كانی توشبوون به‌ هه‌وكردنی جیوبه‌كانی لوت

ڕاچڵه‌كین-

هه‌وكردنی جیوبه‌كانی لوت یه‌كێكه‌ له‌و گرفتانه‌ی‌ زیاتر له‌ وه‌رزی هاویندا ڕوده‌دات ئه‌ویش دوای چونه‌ ده‌ره‌وه‌یه‌ له‌ شوێنێكی گه‌رم بۆ شوێنێكی سارد و نیشانه‌كانی زۆر و جیاوازن و چه‌ندین نیشانه‌  له‌سه‌ر كه‌سی توشبوو ده‌رده‌كه‌وێت.

پزیشكێكی تایبه‌ت به‌ نه‌خۆشیه‌كانی قوڕگ و گوێ و لوت دكتۆر عه‌تیه‌ سادق باس له‌وه‌ ده‌كات هه‌وكردنی گیرفانه‌كانی لوت نیشانه‌كانی نزیكه‌ له‌ هه‌وكردنی دیكه‌ و به‌مه‌ش نه‌خۆش ناتوانێت هۆكاره‌ سه‌ره‌كیه‌كه‌ی‌ بزانێت.

ئاره‌زووكردنی پژمین و نه‌توانین له‌ پژمین و ئازاری توندی سه‌ر له‌ نزیك گوێچكه‌ و چاوه‌كان و گیرانی لایه‌ك له‌ لوت و كرانه‌وه‌ی لایه‌كی دیكه‌ی‌ به‌ سه‌ره‌ له‌ نیشانه‌كانی هه‌وكردنی جیوبه‌كانه‌ و هه‌ندێكجار له‌گه‌ڵیدا سه‌رگێژخواردن هه‌یه‌.