راچڵەكین-
بەڕێوەبەرایەتی گشتی شەهیدانی هەڵەبجە، كەسوكاری شەهیدان ئاگادار دەكاتەوە، ئەوەی كارتی نیشتمانیی نەبێت و چەند بەڵگەنامەیەك نەهێنێت، مووچەكەی رادەگیرێت.
بەڕێوەبەرایەتی گشتی شەهیدانی هەڵەبجە لەراگەیەندراوێكدا ئاماژەی بەوەكردووە: ئاگاداری كەسوكاری شەهیدان ( سەنگەر، هاوڵاتی، جینۆساید) و بریندارانی چەكی كیمیاوی سنوری بەڕێوەبەرایەتی گشتیمان دەكەین هەر وارسێكی شەهیدان یان بریندارێكی چەكی كیمیاوی كارتی نیشتمانی نەبێت و ئەم پێداویستیانەی خوارەوەی پێشتر نەهێنابێت بۆ بەڕێوەبەرایەتی گشتی شەهیدانی هەڵەبجە ، مووچەكەی رادەگیرێت.
پێداویستییەكان:
١- كۆپییەكی كارتی نیشتمانی+ كۆپیەكی هەویەی شەهیدان لەسەر یەك وەرەقە
٢- ناوی سیانی دایكی شەهید
٣- ناوی چواری وارس
٤- ناوی چواری شەهید
لەراگەیەندراوەكەی بەڕێوەبەرایەتی گشتی شەهیدانی هەڵەبجەدا هاتوە، هەركەس سەردانیان نەكات مووچەكەی رادەگیرێت ، دواجار خۆی بەرپرسیارە:" هەر كەسێك پێشتر ئەو پێداویستیانەی هێنابێت، پێویست ناكات جارێكی تر بیهێننەوە."