پەرلەمانی كوردستان بۆ تاوتوێكردنی كێشەی جوتیاران كۆدەبێتەوە

کوردستان

30/01/2020     ژمارەی بینراو 567

راچڵەكین ـ فەرهەنگ فەرەیدون

ئەندامێكی پەرلەمانی كوردستان رایدەگەیەنێت، بۆ تاوتوێكردنی كێشەی جوتیاران، پەرلەمانی كوردساتان كۆدەبێتەوە.

شیرین ئەمین، ئەندامی فراكسیۆنی گۆڕان لە پەرلەمانی كوردستان، بە(راچڵەكین)ی راگەیاند:"كاتكۆ 11ی پێشنیوەڕۆی ئەمڕۆ پێنجشەممە 30-1-2020، دانیشتنی ئاسایی ژمارە 17ی ساڵی یەكەمی پەرلەمانی كوردستان ئەنجام دەدرێت."

وتیشی"دانیشتنەكە بۆ گفتوگۆكردن دەبێت لەبارەی شایستەی دارایی گەنمی جوتیاران بۆ ساڵەكانی 2014،2015 و 2016، كە تا ئێستا لە لایەن حكومەتی عیراقەوە پێیان نەدراوە".

ئاشكراشیكرد، بە هەموو شێوەیەك پشتیوانی داواكاری جوتیاران دەكەن و ئەوەی داوای دەكەن مافی خۆیانە و ئەمڕۆ فراكسیۆنەكەیان داكۆكیان لێدەكەن.

رۆژی دووشەممە 28-1-2020، جوتیارانی كوردستان لەبەردەم پەرلەمانی كوردستان گردبوونەوە و داوایانكرد پەرلەمان بەدواداچوون بكات بۆ پارەی گەنمی سێ‌ ساڵی جوتیاران، رۆژی دواتر سەرۆكایەتی پەرلەمان بڕیاریدا دانیشتنی داهاتووی تایبەت بێت بەو پرسە.

داگرتنی ئەپی راچڵەکین بۆ ئەندرۆید

داگرتنی ئەپی راچڵەکین بۆ ئایفۆن