له‌سه‌ر ئه‌وه‌ی‌ به‌سه‌ر خه‌ڵكدا كۆكی و پژمی ده‌ستگیركرا

ستایل

11/12/2020     ژمارەی بینراو 140

له‌سه‌ر ئه‌وه‌ی‌ به‌سه‌ر خه‌ڵكدا كۆكی و پژمی ده‌ستگیركرا

ڕاچڵه‌كین-

ده‌سه‌ڵاتدارانی ویلایه‌تی فلۆریا له‌ ئه‌مه‌ریكا پیاوێكیان ده‌ستگیر كرد له‌به‌ر ئه‌وه‌ی‌ ڕه‌تی كردۆته‌وه‌ ده‌مامك به‌كاربهێنێت له‌ بازاڕێكی تایبه‌ت به‌ به‌رهه‌مه‌كانی ئه‌لیكترۆنی و له‌هه‌مان كاتدا كۆكه‌ و پژمینی به‌سه‌ر خه‌ڵكدا بڵاوكردۆته‌وه‌.

به‌تۆمه‌تی ئه‌م ڕه‌فتاره‌ نه‌شیاوه‌ ئه‌م پیاوه‌ ته‌مه‌ن 51 ساڵه‌ ده‌ستگیر كراوه‌ و كارمه‌ندێكی" بست بای" باس له‌وه‌ ده‌كات دوای ئه‌م ڕوداوه‌ داوای له‌ موشته‌ریه‌كانی كردوه‌ دوكانه‌كه‌ی‌ چۆڵ بكه‌ن هه‌تا ته‌واوی كه‌لوپه‌له‌كانی خاوێن ده‌كاته‌وه‌ و ده‌شڵێت" چه‌ند ده‌مامكێكم خسته‌ به‌رده‌م ئه‌م پیاوه‌ به‌ڵام هه‌مویانی فڕێدا و ڕه‌تی كرده‌وه‌ به‌كاریان بهێنێت"

ئه‌مه‌ یه‌كه‌م جار نییه‌ ڕوداوی له‌م شێوه‌یه‌ ڕوبدات و ببێته‌ باسی به‌كارهێنه‌رانی تۆڕه‌ كۆمه‌ڵایه‌تیه‌كان و مانگی 10 ی ئه‌مساڵ ڤیدیۆیی گه‌شتیارێك له‌ ئیرله‌ندای باكور كه‌ ڕه‌تی كرده‌وه‌ ده‌مامك به‌كاربهێنێت له‌ناو فڕۆكه‌دا و به‌سه‌ر گه‌شتیاره‌كاندا كۆكی بووه‌ باسی به‌كارهێنه‌رانی تۆڕه‌ كۆمه‌ڵایه‌تیه‌كان. 

داگرتنی ئەپی راچڵەکین بۆ ئەندۆرید

داگرتنی ئەپی راچڵەکین بۆ ئایفۆن