د. فوئاد مەعسوم بێ دەنگی شکاند

کوردستان

4 رۆژ پێش ئێستا     ژمارەی بینراو 1461

راچڵەکین-

نووسینگەی راگەیاندنی د.فوئاد مەعسوم، سەرۆککۆماری پیشووی عیراق روونکردنەوەیەکی بڵاوکردووەتەوە و دەڵێت:" د، فوئاد مەعسوم نەک هەرلەگەڵ ئەو جۆرە لێدوان و قسانە نییە کە شیرین-ی کچی دەیکات، بەڵکو دورە لە بۆچون و ڕاو کەسایەتی جەنابیان و زۆربەی کاتیش دژ و نا هاوڕابووە لەگەڵ ئەو جۆرە بۆچونانە".

 

نووسینگەی ئەندامی دەستەی دامەزرێنەری یەکێتی نیشتیمانی کوردستان و سەرۆک کۆماری پێشوی عیراق روونکردنەوەیەکی بڵاوکردووەتەوە و دەڵێت:" شیرین خانی کچی د.فوئاد مەعسوم هەرگیز هیچ پۆستێکی لە ماوەی سەرۆکایەتی کۆمار و نە پێشتر و نەدواتر لە هیچ جومگەیەکی نزیکی باوکیەوە نەبووە و ئەو قسانە هەمووی دورن لەراستیەوە کە گوایە لەسەرۆکایەتی کۆمار پۆستی هەبوە، وە شیرین خانیش وەک هەرکەسێکی تر ئازادە هەڵگری چ بیروباوەڕێک و چ ئایدیایەکە و ئەوەش لەهەموو دنیا شتێکی ئاسایی و یاساییە".

 

لە روونکردنەوەکەدا هاتووە، د.فوئاد مەعسوم نەک هەرلەگەڵ ئەو جۆرە لێدوان و قسانە نییە و دوورە لە بۆچون و ڕاو کەسایەتی ئەو، زۆربەی کاتیش دژ و نا هاوڕابوە لەگەڵ ئەو جۆرە بۆچونانە کە بەشێک لە راگەیاندنەکانیش بەمەبەست و بۆ ناشیرینکردنی خەباتی پاک و نەزیهی د.فوئاد تەرویجی ئەو مەسەلانە دەکەن".

 

 روونکردنەوەیەک لە نوسینگەی د.فوئاد مەعسوم ەوە

ماوەیەکە بەرەواو نارەوا هێرشێکی نامەنتیق دەکرێتە سەر جەنابی د.فوئاد مەعسوم ئەندامی دەستەی دامەزرێنەری یەکێتی نیشتیمانی کوردستان و سەرکردەی رۆژانی خەباتی شاروشاخ و ماندوبونی بەڕێزیان ، بەهۆی لێدوانی خاتوو شیرین فوئاد مەعسومی کچی بەڕێزیانەوە . 

بەهەموولایەکی رادەگەینین کە جەنابی د.فوئاد مەعسوم نەک هەرلەگەڵ ئەو جۆرە لێدوان و قسانە نیەو دورە لە بۆچون و ڕاو کەسایەتی جەنابیان ، زۆربەی کاتیش دژو نا هاوڕابوە لەگەڵ ئەو جۆرە بۆچونانە کە بەداخەوە بەشێک لە راگەیاندنەکانیش بەمەبەست و بۆ ناشیرینکردنی خەباتی پاک و نەزیهی جەنابی د.فوئاد تەرویجی ئەومەسەلانە دەکەن . 

لێرەوە بۆ چەندەمین جاریش بەهەموو لایەکی رادەگەیەنینەوە کە شیرین خانی کچی بەڕێز د.فوئاد مەعسوم هەرگیز هیچ پۆستێکی لە ماوەی سەرۆکایەتی کۆمارو نە پێشترو نەدواتر لە هیچ جومگەیەکی نزیکی باوکیەوە نەبوەو ئەو قسانە هەموی دورن لەراستیەوە کە گوایە لەسەرۆکایەتی کۆمار پۆستی هەبوە، وە شیرین خانیش وەک هەرکەسێکی تر ئازادە هەڵگری چ بیروباوەڕێک و چ ئایدیایەکە و ئەوەش لەهەموو دنیا شتێکی ئاسایی و یاساییە ، وەجەنابی دکتۆر فوئاد چەندین جاریش ئەوەی  دوپاتکردۆتەوە کە کچەکەی بەڕێزیان لەتەمەنێکی گەورەدایەو خاوەنی ماڵ و هاوسەری خۆیەتی و لەوڵاتێکی تر دەژیت و جەنابیان زۆر هەوڵیشیداوە کە بۆچون و روئیایەکانی واقعی بن و واز لەو جۆرە لێدوانانە بهێنێت کە بەهیچ شێوەیەک لەگەڵ دونیابینی بەڕێزیان یەک ناگرێتەوە ، بەڵام ئەو خاتونە لەتەمەنێکدا نیە کە ئاراستە بکرێت و خۆی ئازادە لە چ حزبێکدا کاردەکات و چی دەڵێت . 

  هیوادارین خەبات و ماندوبونی جەنابی د.فوئاد نەکرێتە دەستەچیلەی گڕبەردانی ناحەزانەی هیچ کەس و لایەنێک هەتا نزیکترین کەسیش بن لەبەڕێزیانەوە ، ئەم رونکردنەوەیەمان بەپێویست زانی بۆ بەرچاو روونی هەموولایەک . 

نوسینگەی د.فوئاد مەعسوم 
ئەندامی دەستەی دامەزرێنەری یەکێتی نیشتیمانی کوردستان و سەرۆک کۆماری پێشوی عیراق 
21ی شوباتی 2021

داگرتنی ئەپی راچڵەکین بۆ ئەندۆرید

داگرتنی ئەپی راچڵەکین بۆ ئایفۆن